KULIZWE LODGE

Selfsorg akkommodasie in Binga op die oewer van Kariba in Zimbabwe.

Tel: +27 (0) 21 855 0395
BESPREEK NOU >>


Kulizwe Lodge - Algemeen

In vergelyking met Kariba, is Binga ‘n baie stil en pragtige plek op die suidelike oewer van die meer. Vanaf Binga is daar ‘n grondpad in die oostelike rigting tot Karoi. Hierdie pad kan slegs met ‘n viertrekvoertuig of ‘n groter SUV aangepak word. Die grondpad is op party plekke nogal in ‘n redelik swak toestand.

Maar waarom oos reis as jy die Kariba-meer vanaf die Kulizwe Lodge kan verken? Hiervanaf kan jy gaan hengel. Jou kanse om ‘n groot tiervis te vang, is bykans gewaarborg. Die Mutusadona Nasionale Park begin net oos van Binga. Hier sal jy al die grootwild kan sien wat jy sal verwag van ‘n Afrika-safari-bestemming.

 

Die Ligging

Die Kariba-meer is in die Zambezi-vallei, tussen Zimbabwe en Zambië, en is 280 km lank. Die dorpie Kariba is ‘n bekende toeriste-bestemming, maar baie min mense verkeen ooit die suidelike oewer van die meer. Die teerpad wat die gebied vanuit die weste binnekom strek nog vir sowat 100 km suid van die meer, tot waar dit by Binga eindig.

 

Akkommodasie

Kulizwe Lodge is by uitstek ‘n gesinsbestemming. Elke selfsorg eenheid is goed toegerus. Daar is 4 beddens in twee kamers, met ‘n klein kombuisie net buite die eenheid. Die yslike grasperke en pragtige swembad sal die kinders besig hou, terwyl ma en pa dalk lus voel vir ‘n bootrit op die meer wanneer die son ondergaan.

 

 

Aktiwiteite

Die sonsondergange by die Kulizwe Lodge is eenvoudig asemrowend. Terwyl die son oor die meer ondergaan, word versnaperinge bedien en die kampvure gloei in die donker. Kulizwe Lodge sien daarna uit om jou te verwelkom en ‘n vakansie sal jou beslis ook nie platsak laat nie.

Kulizwe Lodge is by die hoofhawe in Binga. Indien jy ‘n vakansie op ‘n huisboot (seiljag) beplan, is dit waarvandaan jy gaan vertrek. Dit is ‘n uitstekende keuse om eers ‘n paar aande by Kulizwe Lodge oor te bly, voor jy op jou bootvakansie vertrek.